სხვადასხვა მასალის, ტექნიკისა და პროცედურის არჩევა ნამუშევრის შექმნისას

WordSection1" style="text-align: justify;">

შედეგი: ..VI.2 მოსწავლე შეუძლი მიზანმიმართულა აირჩიო შემოქმედებითა გამოიყენო სხვადასხვ მასალა, ტექნიკ პროცედურ ნამუშევრი შექმნისას.

ინდიკატორი 1. ქმნის მცირე ზომის ფორმებს სხვადასხვა მოძიებული მასალით.

 

 

აქტივობა ძველბერძნული ტაძარი

მიზნები: ანტიკური ბერძნული არქიტექტურის ზოგადი ნიშნების გაცნობა და  ამ თემაზე კოლაჟის შესრულება.

მასწავლებელი აჩვენებს მოსწავლეებს ანტიკური ბერძნული ტაძრების ამსახველ ვიზუალურ მასალას (მაგ. პართენონს, აპოლონის ტაძარს კორინთოში, პოსეიდონის ტაძარს პესტუმში), ესაუბრება მათ ბერძნულ მითებზე, აჩვენებს ბერძნული ღვთაებების - ზევსის, პოსეიდონის, აპოლონის  ამსახველ ქანდაკებების ფოტოებს. მოსწავლეები  იხსენებენ, რა იციან მითოლოგიაზე, აგრეთვე ამ თემაზე ნანახ მულტიპლიკაციურ და მხატვრულ ფილმებს. მასწავლებელი ესაუბრება მოსწავლეებს ბერძნული არქიტექტურისთვის დამახასიათებელ თვისებებზე, უსვამს მოსწავლეებს კითხვებს მის შესახებ (კავშირ ..VI.10. მოსწავლე შეუძლი დააკავშირო სახვით გამოყენებით ხელოვნები სხვადასხვ დარგი ნიმუშები ისტორიულ, რელიგიუ სოციალუ კონტექსტთან).

მოსწავლეები აღწერენ ტაძრის იერსახეს (თეთრი ქვის, კერძოდ - მარმარილოს შენობები, მართკუთხა ფორმის გარშემორტყმულია სვეტნარებით, გადახურულია ორქანობანი სახურავით, შემკულია სკულპტურული გამოსახულებებით), საუბრობენ ბერძნული ტაძრების დათვალიერების შედეგად მიღებულ შთაბეჭდილებებზე - როგორ მოჩანს ლურჯი ცის, ზღვის ან მთების ფონზე თეთრი შენობები, აღნიშნავენ ზომიერ მასშტაბებს, მკაფიო სილუეტებს, ნათელ და უბრალო ფორმებს). (კავშირ შედეგთა ..VI.7. მოსწავლე შეუძლი წარადგინოს ინდივიდუალურ ჯგუფურ ნამუშევრებ მიღებულ ცოდნი საფუძველზ იმსჯელო მხატვრულ ნაწარმოები შესახებ).

ამის შემდეგ მოსწავლეები ასრულებენ ბერძნული ტაძრის ამსახველ კოლაჟს. ქაღალდის ფურცლის ზედა ნაწილზე იხატება ცა, ქვემოთ – მიწა. შეიძლება აგრეთვე მიწის ადგილას წაესვას წებო და ზედ დაეყაროს ქვიშის ან მიწის ფენა. შემდეგ მოსწავლეები თხელი მუყაოსგან გამოჭრიან სვეტებს (შეიძლება გამოიყენონ ღარებიანი მუყაო, რომელიც შესაფუთად იხმარება ან იხმარონ უბრალო, გლუვი მუყაო, რომელსაც რამდენჯერმე მოკეცავენ სიგრძეზე, შემდეგ კი გაასწორებენ, რათა შეიქმნას სვეტის ღარების, ანუ კანელიურების შთაბეჭდილება) და დააწებებენ ფონზე. სვეტების ზევით ჰორიზონტალურად დაწებდება მუყაოს ვიწრო  ზოლი (გადახურვის ფრაგმენტი). "სვეტები" სხვადასხვა სიმაღლის უნდა იყოს - ჯერ დაწებდება უფრო გრძელი, შემდეგ სულ უფრო მოკლეები, რაც პერსპექტიული შემცირების შთაბეჭდილებას შექმნის (კავშირი: .. VI.1. მოსწავლე შეუძლი მიზანმიმართულა გამოიყენო სახვით ხელოვნები ელემენტებ პრინციპებ ნამუშევრი შექმნისას; ინდიკატორ 7. ხატავ სივრცე პერსპექტივი ძირითად კანონები გამოყენები (წინა, შუ და უკან პლანი, ნახევარტონები)). სამუშაოს გართულების მიზნით შეიძლება ნამუშევარი ჩაწებდეს შესაბამისი ზომის მუყაოს დაბალ კოლოფში, რაც ჩარჩოს მაგივრობას გასწევს.

მომდევნო ნაწილი კავშირშია შედეგთან:

..VI.7. მოსწავლეს შეუძლია წარადგინოს ინდივიდუალური და ჯგუფური ნამუშევრები და  მიღებული ცოდნის საფუძველზე იმსჯელოს  მხატვრული ნაწარმოების შესახებ.

ნამუშევრების დასრულების შემდეგ მოსწავლეები გამოფენენ მათ კლასში და აწყობენ პრეზენტაციას. ისინი საუბრობენ კოლაჟების  შექმნისას  გამოყენებულ ხერხებსა და მასალებზე, გამოთქვამენ მოსაზრებებს ბერძნული არქიტექტურის შესახებ, განმარტავენ, რა შთაბეჭდილების გადმოცემა სურდათ საკუთარი ნამუშევრებში, რომელი ნამუშევარი მოსწონთ  ყველაზე მეტად და რატომ.

 

ტერმინები:

ანტიკური ბერძნული არქიტექტურა, სვეტი, სვეტნარი.

 

შეფასების კრიტერიუმები:

მოსწავლეები უნდა შევაფასოთ იმის  მიხედვით, თუ როგორ შეუძლიათ გამოავლინონ:

  • ანტიკური ბერძნული ტაძრებისთვის დამახასიათებელი ზოგადი ნიშნების დასახელების უნარი;
  • ამავე თემაზე კოლაჟის შექმნის უნარი.

 
სასწავლო შეთავაზებები:
მოსწავლეებს შეუძლიათ  მოიძიონ ინფორმაცია და მასალები ბერძნული ტაძრების შესახებ, განალაგონ ისინი სტენდებზე, იქვე გამოფინონ თავიანთი კოლაჟები და მოაწყონ თემატური გამოფენა.