ქ.მ.VI.27.
VI კლასი
მოსწავლეს შეუძლია ორგანიზება გაუწიოს სასწავლო საქმიანობას.
ინდიკატორები
- კონკრეტული ამოცანის გადასაჭრელად თავს უყრის საჭირო რესურსებს და ახდენს ცოდნის მობილიზაციას;
- გამოკვეთს შესასრულებელი სამუშაოს მთავარ ამოცანას;
- მასწავლებლის დახმარებით შესასრულებელ სამუშაოს ყოფს მონაკვეთებად;
- ეძებს და ასახელებს სამუშაოს შესრულების ალტერნატიულ გზას;
- გეგმავს შესასრულებელი სამუშაოს თანამიმდევრობას;
- სამუშაოს დასრულებისას წარმოაჩენს და განიხილავს არჩეულ გზას (როგორი ტაქტიკა აირჩია, რა გაუადვილდა, რა გაუჭირდა, როგორ აჯობებდა და სხვა);
- აკვირდება სხვების მიერ არჩეულ ვარიანტს და მსჯელობს იმის შესახებ, თუ რომელი იყო ოპტიმალური;
- იცავს დროის ლიმიტს ყველა ტიპის აქტივობის შესრულებისას.
