ქ.მ. X. 23.

X კლასი

მოსწავლეს შეუძლია სტრატეგიული უნარების გამოყენება წარმატებული სწავლების უზრუნველსაყოფად. 

ინდიკატორები

  • სამუშაოს დაწყებამდე ახდენს ცოდნის მობილიზებას;
  • მონაწილეობს აზრთა გაცვლაში იმის შესახებ, თუ როგორ მიდგომებს გამოიყენებენ ამა თუ იმ ეტაპზე კონკრეტული ამოცანის გადასაჭრელად;
  • სამუშაო პროცესში წარმოქმნილი პრობლემების წამოჭრისას ცვლილებები შეაქვს სტრატეგიებში;
  • საჭიროების შემთხვევაში ითხოვს დახმარებას, კონსულტაციას;
  • სამუშაოს დასრულების შემდეგ წარმოადგენს გამოყენებულ სტრატეგიებს და ადარებს სხვების მიერ გამოყენებულ სტრატეგიებთან;
  • მონაწილეობს გამოყენებული სტრატეგიების ეფექტურობის შეფასებაში;
  • თანხმდება განსხვავებული სტრატეგიების მოსინჯვა-გამოყენებაზე;
  • ადარებს სხვადასხვა, მათ შორის მშობლიური ენის შესწავლისას მიღებულ გამოცდილებას ერთმანეთთან; განსაზღვრავს, თუ რამდენად გამოადგება ესა თუ ის სტრატეგია სხვა ენის ან სხვა საგნის სწავლების პროცესში;
  • აანალიზებს შეცდომების, ხარვეზების მიზეზებს;
  • მონაწილეობს თვითშეფასებასა და თანაშეფასებაში (მოსწავლე-მასწავლებელი ან მოსწავლე-მოსწავლე ერთსა და იმავე ნაშრომს ერთმანეთისაგან დამოუკიდებლად ასწორებენ);
  • შედეგებზე დაკვირვების შედეგად აღნიშნავს, სად აქვს წინსვლა;
  • აანალიზებს წარმატებისა თუ წარუმატებლობის მიზეზებს  შემდგომში მათი გათვალისწინების მიზნით;
  • ასახელებს წარუმატებლობის ფაქტორებს, მიზეზებს (მაგ. სათანადოდ არ გამოიყენა რესურსი, ვერ გამოკვეთა აქტივობის მთავარი ამოცანა, გამოტოვა ერთი ეტაპი, ამოცანა დაუძლეველი მოეჩვენა, იყო უგუნებოდ და სხვა);
  • ამჩნევს და ასახელებს საკუთარ ხარვეზებს;
  • ადგენს, თუ რა ზომებს უნდა მიმართოს ხარვეზების აღმოსაფხვრელად;
  • საკუთარი ინიციატივით მიმართავს გამოსასწორებელ ზომებს. 

რესურსები