ვერბალური და არავერბალური ინფორმაციის ადეკვატურად აღქმას, გაანალიზებასა და გადმოცემას;
ტექსტის გააზრებას;

მასწავლებლის დახმარებით, მოსწავლეებმა უნდა შეარჩიონ სემესტრის/წლის განმავლობაში მათ მიერ შესრულებული ერთ-ერთი ნამუშევარი და ხმამაღლა წაუკითხონ იგი თანაკლასელებს.

მასწავლებელი საუბრობს ზღაპარებზე, მოსწავლეებს შეახსენებს მათთვის ცნობილ ზღაპრებს. შემდეგ მოკლედ მიმოიხილავს ზღაპრის  ძირითად  სტრუქტურას და მის ელემენტებს. 

მასწავლებელი ზეპირად უხსნის მოსწავლეებს, რაში მდგომარეობს აქტივობის არსი: მოსწავლეებმა უნდა შეთხზან და დაწერონ რაიმე სიუჟეტი/მოთხრობა/ისტორია.

მასწავლებელი შესთავაზებს მოსწავლეებს, დაწერონ/შეთხზან მხატვრული ტექსტი იმ დასაწყისის საფუძველზე, რომელსაც იგი დაფაზე დაწერს (ეს შეიძლება იყოს ერთი ან მეტი წინადადება, ერთი აბზაცი).