ქართ. V. 4.

V კლასი

მოსწავლეს აქვს ლიტერატურული ნაწარმოების ესთეტიკური შეფასების საწყისი უნარი

ინდიკატორები

  • ისმენს მხატვრულ ნაწარმოებს (ლექსს, ნოველას, მოთხრობას) და გამოხატავს საკუთარ ემოციებსა და შთაბეჭდილებებს;
  • საუბრობს პოეტურ ნაწარმოებში გამოხატულ განწყობაზე;
  • მონაწილეობს ლიტერატურული ნაწარმოების შესახებ გამართულ დისკუსიაში, გამოხატავს საკუთარ დამოკიდებულებას   ამა თუ იმ პერსონაჟის მიმართ;
  • ასახელებს სხვადასხვა თვალსაზრისით მისთვის საინტერესო ადგილებს ტექსტიდან. 

რესურსები

სარეკომენდაციო აქტივობები
ლიტერატურული ნაწარმოების ესთეტიკური შეფასების უნარი
  • მოსმენილთან დაკავშირებით საკუთარი ემოციებისა და შთაბეჭდილებების შესახებ  საუბარს;
  • პერსონაჟის  ხასიათის,  მისთვის დამახასიათებელი  თვისებების შესახებ  საუბარს კონკრეტული ეპიზოდის მიხედვით;
როგორია პერსონაჟი?

მასწავლებელი მოსწავლეებს ასმენინებს ტექსტს და სთხოვს გაიხსენონ პერსონაჟის ხასიათთან, ქმედებებთან დაკავშირებული ადგილები ტექსტიდან და განსაზღვრონ, მისი რა თვისებები ვლინდება ამ მონაკვეთებში.
ლიტერატურული წრე.

 ლიტერატურულ წრეში მოსწავლეთა მცირე ჯგუფები ერთსა და იმავე ვადებში კითხულობენ წიგნს და რეგულარულად განიხილავენ უკვე წაკითხულ ცალკეულ ეპიზოდს, მონაკვეთს.
ემოციური კომენტარი.

მასწავლებელი ურიგებს მოსწავლეებს სხვადასხვა პოეტის იმ ლექსების ჩამონათვალს, რომელთა აუდიოჩანაწერიც უნდა მოისმინონ და სთხოვს, თითოეულის გასწვრივ ჩაწერონ, რა განწყობილებას გამოხატავს ისინი.