ქართ. I. 13.

I კლასი

მოსწავლეს  შეუძლია კარნახით წერა და ნაბეჭდი ტექსტიდან / დაფიდან მარტივი წინადადებების გადაწერა.

ინდიკატორები

  • იცავს მანძილს ასოებს შორის;
  • ნაბეჭდი ფურცლიდან/დაფიდან გადაწერს სიტყვებს, წინადადებებს;
  • კარნახით წერს ასოებს, მარცვლებს, სიტყვებს;
  • მოცემული ბგერებით ადგენს სიტყვებს ზეპირად და შემდეგ წერს;
  • დამოუკიდებლად წერს სიტყვებს, რომელთა ორთოგრაფიული ხატი მისთვის ნაცნობია.  

რესურსები

სარეკომენდაციო აქტივობები
კარნახით წერა და ნაბეჭდი ტექსტიდან/დაფიდან მარტივი წინადადებების გადაწერა
  • გადაწერას;
  • სხვის მიერ ნათქვამი სიტყვის/ფრაზის ჩაწერას;
  • წინადადებაში ნახატის ნაცვლად სიტყვის ჩასმას;
  • წინადადების დასრულებას;
  • სხვ.

 
გადაწერა.

აქტივობა გამოიყენება წერის ეტაპზე. იგი ემსახურება წერითი მეტყველების ტექნიკის განვითარებას.

 
სხვის მიერ ნათქვამი სიტყვის/ფრაზის ჩაწერა.

აქტივობა კომპლექსური სახისაა - იგი ფარავს ზეპირმეტყველებისა და წერის მიმართულებებს. აქტივობა ემსახურება მოსმენილი ინფორმაციის წერაში ტრანსფერირების (გადატანის) უნარ-ჩვევების გამომუშავებას.
წინადადებაში ნახატის ნაცვლად სიტყვის ჩასმა.

აქტივობა ემსახურება ვიზუალური წიგნიერებისა და,  ზოგადად, სემიოტიკური კომპეტენციის საწყისის უნარების გამომუშავებას.
წინადადების დასრულება.

აქტივობა  გამიზნულია  წერის  ეტაპისათვის. იგი ემსახურება მოსწავლეთა აზრის წერილობით გადმოცემისათვის აუცილებელი უნარ-ჩვევების გამომუშავებას; სტიმულს აძლევს მოსწავლეთა თვითგამოხატვის  პროცესს.