მუს.I.8.

I კლასი

მოსწავლეს შეუძლია მოსმენილი ნაწარმოების  ყოველდღიურობასთან დაკავშირება.

ინდიკატორები

  • ამოიცნობს ნასწავლ საბავშვო სიმღერებს;
  • იხსენებს სად, რა გარემოში მოუსმენია ესა თუ ის მუსიკალური ნაწარმოები;
  • იხსენებს თავის საყვარელ მუსიკალურ ნაწარმოებებს;
  • მუსიკალური ნაწარმოების შინაარსთან დაკავშირებით სვამს კითხვებს, იხსენებს მსგავს სიუჟეტს, პერსონაჟს;
  • აკავშირებს მუსიკალურ ნაწარმოებთან შესაბამის ვიზუალურ მასალას და იხსენებს საკუთარ შთაბეჭდილებებს (ფოტო, ვიდეო-ჩანაწერი...).

რესურსები

სარეკომენდაციო აქტივობები
ამოიცნობს ნასწავლ სამოსწავლეო სიმღერებს

მოცემულ შემთხვევაში მასწავლებელი იყენებს მუს. I.4. შედეგის 2. ინდიკატორის ბ) აქტივობას, უცნობი მასალის ჩართვის გარეშე. უკრავს ნასწავლი სიმღერების ინსტრუმენტულ ვერსიებს.
იხსენებს სად, რა გარემოში მოუსმენია ესა თუ ის მუსიკალური ნაწარმოები

ა) მოსწავლეები უსმენენ ჯ. პიერპონტერის სიმღერას – “Jinngle Bells” და მსჯელობენ, როდის და სად მოუსმენიათ ეს სიმღერა?
იხსენებს თავის საყვარელ მუსიკალურ ნაწარმოებებს

მასწავლებელი ურიგებს მოსწავლეებს პატარა ფერად ბარათებს და სთხოვს, დაწერონ მათი საყვარელი სიმღერის/პიესის სახელი ან დახატონ მისი  სათაური და გააფორმონ ბარათები სიმღერის შესაფერისი ნახატებით.
მუსიკალური ნაწარმოების შინაარსთან დაკავშირებით სვამს კითხვებს, იხსენებს მსგავს სიუჟეტს, პერსონაჟს

მოსწავლეები უსმენენ ხალხურ სიმღერას „ახ, ლაზარე, ლაზარე“. მასწავლებელი ეკითხება: იცით, ვინ არის ლაზარე?
აკავშირებს მუსიკალურ ნაწარმოებთან შესაბამის ვიზუალურ მასალას და იხსენებს საკუთარ შთაბეჭდილებებს (ფოტო, ვიდეო ჩანაწერი...)

ამ შემთხვევაში გამოიყენება მუს.I.4. შედეგის 4. ინდიკატორის აქტივობა. ასევე, მასწავლებელს გაკვეთილზე მოაქვს სხვა ფოტოებიც: გედის, ქათმისფეხებიანი ქოხისა და კუდიანი დედაბრის, პრინცესას და პრინცის და ა.შ.