სასწავლო პროცესის ერთ-ერთი უმთავრესი ამოცანა მოსწავლის ისტორიის საგნით დაინტერესებაა. საამისოდ კარგი საშუალებაა ისტორიული მასალის თანამედროვეობასა და მოსწავლისთვის ნაცნობ მოვლენებთან დაკავშირება.

სკოლის ისტორიის სახელმძღვანელოები ერთადერთი წყარო არ არის, რომელთა საშუალებითაც მოსწავლე წარსული ეპოქების შესახებ იღებს ინფორმაციას. ამ ეტაპზე განსაკუთრებით მნიშვნელოვანია მოსწავლემ გააცნობიეროს, რომ ხშირად მომიჯნავე საგნები (მაგალითად, ისტორია და ქართული ლიტერატურა) ერთსა და იმავე მოვლენას აშუქებენ, თუმცა სრულიად სხვადასხვა მიზნით

მოსწავლეებისთვის არანაკლებ საინტერესო იქნება, თუკი ქართული ენისა და ლიტერატურის მასალის განხილვას ზოგჯერ კინოფილმის განხილვით შევცვლით – იმის გათვალისწინებით, რომ კინოფილმებს თითქმის ყველა ბავშვი უყურებს.

წინამდებარე აქტივობა განსაკუთრებულ დახმარებას გაგიწევთ ფეოდალური ხანის ისტორიის შესწავლის პროცესში. მის არსს გენეალოგიური ხის შედგენა და გენეალოგიური ისტორიის მოყოლა წარმოადგენს.

სასწავლო პროცესის გამრავალფეროვნების მიზნით კარგი იქნება, თუ მასში მოსწავლეების წინა თაობის წარმომადგენლებსაც ჩართავთ. მაგალითად, როდესაც თანამედროვე ისტორიის მოვლენებზე საუბრობთ, შეგიძლიათ ენთუზიასტი ბებიის ან ბაბუის მოწვევა, რომლებიც თქვენთვის საინტერესო ეპოქის თვითმხილველნი არიან.

მოსწავლეების სხვადასხვა ჯგუფისათვის ერთი და იმავე მოვლენის შესახებ დიამეტრულად განსხვავებული თვალსაზრისის მქონე სხვადასხვა წყაროს დარიგება და აღნიშნულ საკითხზე დისკუსიის მოწყობა.

ისტორიულ მეცნიერებაზე სასაუბროდ შეგიძლიათ სასწავლო პროცესისგან ერთი შეხედვით ისეთი დაშორებული მოვლენაც გამოიყენოთ, როგორიც საფეხბურთო მატჩია. საამისოდ საჭიროა კლასში სპორტით გატაცებული ორი მოსწავლე შეარჩიოთ.

აირჩიეთ ერთი კონკრეტული დღე. კარგი იქნება, თუ იგი რომელიმე მოსწავლის დაბადების დღეს დაემთხვევა. წინასწარ გამოუცხადეთ მოსწავლეებს, რომ მათ სპეციალურად გამოყოფილ ფურცელზე ამ დღეს მომხდარი ყველა მოვლენა უნდა აღნუსხონ (რომელიმე ერთი მოსწავლის რედაქტორობით).

სასწავლო პროცესის გამრავალფეროვნების მიზნით მოაწყვეთ გაკვეთილზე რომელიმე ცნობილი პიროვნების იმიტირებული სასამართლო პროცესი. მიანიჭეთ ერთ-ერთ მოსწავლეს მოსამართლის, მეორეს – ბრალმდებლის, მესამეს კი – ადვოკატის ფუნქცია.

არანაკლებ საინტერესო იქნება, თუ მასალის უკეთ დასწავლის მიზნით მოსწავლეებს რომელიმე ისტორიულ საკითხზე დისკუსიის მოწყობას თოქ-შოუს ფორმატში შესთავაზებთ.

სიმულაციურ თამაშებს ისტორიის სწავლისას საკმაოდ ეფექტური შედეგების მოტანა შეუძლია. ისტორიის სწავლების პროცესში ცუდი არ იქნება, თუ რომელიმე ისტორიული თარიღის აღსანიშნავად სასკოლო ღონისძიებას მოაწყობთ, სადაც მოსწავლეები რომელიმე ისტორიული ეპოქის კოსტიუმებში იქნებიან გამოწყობილი

ისტორიის სწავლების პროცესში კარგი იქნება, თუ მოსწავლეების ლიტერატურულ ნიჭსაც გამოვიყენებთ. დაავალეთ მოსწავლეებს დღიურის შედგენა და საქმე ისე წარმოაჩინეთ, თითქოს ისინი ქმნიან ამა თუ იმ ეპოქის წყაროს, რომელიც ისტორიკოსებს მათთვის საინტერესო საკითხზე დამატებით ინფორმაციას მიაწვდის.

დაავალეთ რომელიმე, სათანადო უნარის მქონე, მოსწავლეს სიტყვით გამოვიდეს კლასის წინაშე. მან შესაძლოა მხედართმთავრის ან უბრალოდ ორატორის როლი მოირგოს. წინასწარ გაესაუბრეთ მას და უთხარით, რა აქცენტები უნდა გააკეთოს საჯარო გამოსვლისას.

მასწავლებელს შეუძლია ისტორიული პირების გარდაცვალების შესახებ ინფორმაცია მიაწოდოს მოსწავლეებს ეპიტაფიის ან ნეკროლოგის სახით. აუხსნას მათ, რა სახის ინფორმაციის შემცველი იყო ერთი თუ მეორე და დაეხმაროს იმის გააზრებაში

პირადი “ანკეტის’’ (CV) შევსება დღეს ძალიან გავრცელებული პრაქტიკაა. იგი საკუთარი ბიოგრაფიისა თუ მიღწევების პრეზენტაციის ერთ-ერთ უმთავრეს საშუალებას წარმოადგენს. სწორედ ამიტომ სკოლაში აღნიშნული აქტივობის განხორციელება ძალიან სასარგებლო იქნება.