მოსწავლის სახელმძღვანელო, რეპროდუქციები, ილუსტრაციები, ჟურნალები, ვიდეო/აუდიოჩანაწერები, ინტერნეტრესურსები.

10-15 წუთიანი თამაში – კლასი იყოფა ორ ჯგუფად. ყოველი ჯგუფი “ჩაიფიქრებს” ხელოვნების რომელიმე დარგის სპეციალისტს (მოქანდაკე, არქიტექტორი, მუსიკოსი, მხატვარი, მსახიობი და სხვ.), რომელსაც ჯგუფის წარმომადგენელი განუსახიერებს მოწინააღმდეგე  ჯგუფს. 

მოსწავლეები იყოფიან გუნდებად, რომელთაგანაც ერთ-ერთს მასწავლებელი აძლევს დავალებას, მათთვის ნაცნობი ნაწარმოებების მიხედვით, წარმოადგინონ “ცოცხალი სურათი”, რომელიც ხელოვნების ამა თუ იმ დარგის ნაწარმოებს განასახიერებს. 

ასეთივე ტიპის აქტივობით ვაცნობთ მოსწავლეებს სხვა ჟანრების (ნატურმორტი, პეიზაჟი) ცნებას და მათ მთავარ მახასიათებლებს.

გაკვეთილზე მოსწავლე ეცნობა წიგნის ილუსტრაციის ცნებას და ზოგიერთი ცნობილი ხელოვანის ნამუშევარს (იხ. დანართში “წიგნის ილუსტრაცია”).

მოსწავლეები აგროვებენ მასალას (ფოტოებს, ღია ბარათებს, ჩანახატებს, ბროშურებს და სხვ.) ნაცნობი არქიტექტურული ძეგლებისა და ქანდაკებების შესახებ, გამოფენენ მათ კლასში და უყვებიან მათ შესახებ  კლასელებს და მოწვეულ სტუმრებს (მეგობრებს, მშობლებს).