Fill in a biographical data sheet
აქტივობის შესახებ
აქტივობა ემსახურება ინფორმაციის დახარისხებისა და მისი ორგანიზების უნარ-ჩვევების გამომუშავებას. აქტივობა დაეხმარება მოსწავლებს ყოფითი ტექსტების სპეციფიკის გააზრებაში.
აქტივობის მიზნები
- სხვადასხვა სახის ინფორმაციის ორგანიზების უნარ-ჩვევების განვითარება;
- ინფორმაციის წერილობითი სახით წარმოდგენის უნარ-ჩვევების განვითარება.
აქტივობის ორგანიზების ფორმა
ინდივიდუალური.
რესურსები
ფურცელი, კალამი, დაფა, ცარცი/მარკერი.
აქტივობის აღწერა
მასწავლებელი დაფაზე წერს მარტივი ანკეტის ფორმის ნიმუშს. მაგ: მე მქვია/სახელი და გვარი/ვარ/ასაკი/ვცხოვრობ /ქალაქი, სოფელი/ვსწავლობ /სკოლა/დახატე შენი თავი.
ანკეტის შევსებამდე მოსწავლეები და მასწავლებელი ერთად განიხილავენ, სად რა უნდა ჩაიწეროს ანკეტის შევსებისას. სასურველია, განხილვა მოხდეს რომელიმე მოსწავლის მონაცემების დასახელების მაგალითზე.
მასწავლებელი მოსწავლეებს დაავალებს:
- დაფიდან გადაიწერონ ანკეტის ფორმა;
- ინდივიდუალურად შეავსონ თავიანთი ანკეტა;
- დახატონ ავტოპორტრეტი.
გაკვეთილის შემდეგ მოსწავლეთა ნამუშევრები შეიძლება გამოიფინოს კლასის ერთ-ერთ კუთხეში.
აქტივობის ხანგრძლივობა: 13-15 წუთი.
შეფასება
აქტივობით ფასდება, შეუძლია თუ არა მოსწავლეს
- ინფორმაციის დახარისხება და ორგანიზება მოცემული მოდელის მიხედვით;
- მოცემული მოდელის საფუძველზე ყოფითი ტექსტის შექმნა.
